ህዝባዊ ዲፕሎማሲ፡ ምርጫ ሽወደን መስከረም 2022

ሎሚ ዓመት ኣብ መስከረም (9/2022) ኣብ ሽወደን ምርጫ ክካየድ ስለዝኾነ፡ ኤርትራውያን ኣብዚ ምርጫ ሽወደን ጸላዊ ተራ ሃልዩና ንረብሓ ኤርትራዊ ኮምናን ሃገርናን ብኸመይ ነውዕሎ ብዝብል ዕላማ፡ ዝቐረበ መግለጺ።

ሰነድ ንምውራድ ጽቐጥ

ጥምረትን ቀጻልነትን ዘረጋግጽ ውህደት ኣሰራርሓ ምትእትታው እዋኑ ዝጠልቦ ሕቶ ኢዩ። ኤርትራዊ ሃገራዊ ረብሓ ንምርግጋጽን ዝምድናታት ክልተ ሃገራት ንምድልዳልን ብቐጽሊ ዝሰርሕ ድልዱልን ጥሙርን ኤርትራዊ ውዳበ ምትእትታው ግድን ይኸውን።

ሃብታም ተመክሮና መሰረት ብምግባር ውዳበታትናን ዘለዎ ውህደትን ምምልላእን ከምኡ’ውን ኣድማዕነት ብዘውሕስ መገዲ ናብ ሓድሽን ዝበረኸን ደረጃ ከነሰጋግሮ ኣድላዪ ኢዩ። ብደረጃ ሃገራት ስካንዲናቭያ ዝቐውም ‘ሃገራዊ ሽማግለ ኤርትራውያን ስካንዲናቭያ’ [National Council of Eritrean Scandinavia – NCES] ይኸውን።

‘ሃገራዊ ሽማግለ ኤርትራውያን ስካንዲናቭያ’ [National Committee of Eritrean Scandinavia – NCES] ፖለቲካዊ፡ ቁጠባዊ: ማሕበራዊ: ዜናውን፡ ሞያዊን ንጥፈታት ህዝባዊ ዲፕሎማስን መደባት ዝሕንጽጽን ዘተግብርን ኣካል እዩ።